Anaa na sa 187 ang kinatibuk-ang ihap sa kumpirmadong kaso sa COVID-19 sa probinsya sa Bukidnon.
Sa COVID-19 Case Bulletin nga gipagawas sa Provincial Health Office PHO- Bukidnon as of September 7, 2020 gibutyag niini nga sa 187 total confirmed case 43 na lang ang aktibo tungod sa 143 na ang naka-rekober.
Sa aktibong kaso, 3 ang admitted nga anaa sa BPMC samtang 40 ang out-patient nga anaa sa NMWRC samtang nakatala usab ug usa nga namatay.
Samtang sa siyudad Malaybalay, natala na ang 6 ka local transmission as of kagahapon.
Sa datus nga gipagawas sa IATF-Malaybalay natala kagahapon ang laing kaso sa local transmission nga mao ang confirmed case number 41.
Kini usa ka nurse nga nag-atiman sa confirmed case number 35 samtang naka-admit kini sa pribadong tambalanan.
Ang mao nga nurse, usa sa 20 ka health professionals ug workers sa pribadong hospital nga gibutang sa isolation unit sa hospital sukad niadtong September 1.
Gitambagan na usab ang pamilya sa mao nga nurse nga mupailawom sa striktong home quarantine.
Samtang sa Don Carlos, Bukidnon nadungagan ug duha (2) ang local transmission. Mao kini ang ika-11 ug ika-12 nga positibo nga kaso sa COVID-19 sa mao nga lungsod.
Sa interview sa RMN ngadto kang Roy de Asis, ang spokesperson sa IATF-Don Carlos gibutyag niini nga ang duha contact-traced sa ika-9 nga kaso (APOR).
Ang 11th Case – Lalake, 65 years old, taga-Kibatang, adunay ubo samtang ang 12th Case – Lalake, 23 years old, taga- Kibatang, walay simptomas, APOR (Drayber sa Fruit Dealer)
Ang maong duha ka kaso gidala na sa Northern Mindanao Wellness and Rehabilitation Center para sa pagpadayon sa quarantine ug monitoring.
Gapadayon pa ang contact tracing sa duha ka-kaso.
Una niini gipailawom na sa localized lockdown ang P-4 Barangay Kibatang sa mao nga lungsod niadtong Agosto 28 tungod sa local transmission.
Nasayran nga natala sa mao nga lungsod ang pinaka-unang namatay nga adunay COVID-19.
