Gisaulog ning semanaha ang Drug Abuse Prevention and Control Week.
Sa interview sa RMN Malaybalay ngadto kang PSupt. Ellen Avansado ang hepe sa Bukidnon Crime Laboratory Office gibutyag niini nga tema sa kasaulugan karong tuiga mao ang Listen to the Children, “Listen First: Listening to children and youth is the first step to help them grow healthy and safe,”
Gipasabot niini nga aron malikay ang mga kabataan gikan sa paggamit sa illegal nga droga, kinahanglan nga paminawon sa mga ginikanan, magtutudlo ang mga bata kung unsa ang ilang mga problema.
Matud ni Avansado nga mahinungdanon kini tungod kay ang mga kabatan-onan maoy prone sa paggamit sa illegal nga droga.
Tuyo usab niini aron matambagan ang mga kabatan-onan kung mapaminawan sa mga tawo nga anaa sa iyang palibot ang iyang mga problema ug dli na masangpot pa sa paggamit sa dautang bisyo.
Ang kasaulugan sa Drug Abuse Prevention and Control kon DAPC Week gipangunahan sa Dangerous Drugs Board (DDB), sugod niadtong Lunes, Nobyembre 12 hangtod karong adlawa.
