Bukidnon, gi-anhian sa NTF-Against COVID-19

32

Nitabang na ang Coordinated Operations to Defeat Epidemic (C.O.D.E.) Team, nga gipangunahan sa National Task Force (NTF) Against COVID-19 ug sa Inter-Agency Task Force for the Management of Emerging Infectious Diseases (IATF-EID) sa Bukidnon tungod sa pagsaka pa sa ihap sa kaso sa COVID sa probinsya.

Kagahapon nakigtagbo ang CODE Team sa local government officials sa lalawigan sa Kaamulan Folk Arts Theatre in Malaybalay City, Bukidnon.


Matud sa Department of Health (DOH), nga ang C.O.D.E. usa ka inisyatibo nga muhatag ug suporta sa LGU nga adunay limitadong kapasidad ug resources aron pagpugong sa natalang local transmission pinaagi sa pagpataas surveillance strategy ug pagpalapad sa testing capacity.

Highlight sa pagbisita sa mao nga grupo kagahapon ang provincial situationer report sa Coronavirus Disease 2019 (COVID-19) sa Bukidnon, ug ang pag-presentar sa PDITR (Prevent-Detect-Isolate-Treatment-Reintegration) Strategy Intervention ug ang paningkamot sa probinsya aron mabatukan ang epekto sa virus.

Sa iyang pamahayag gibutyag ni Sec. Delfin Lorenza, sa Department of National Defense nga nianhi sila sa Bukidnon dili tungod aron mangita ug sayop nganong nitaas ang kaso kon dili aron tabangan ang probinsya.

Wala matud pa siya nagtoo nga mutaas ang kaso sa COVID-19 sa Bukidnon tungod kay usa kini ka land lock nga probinsya.




Matud niya nga susama sila sa fireman nga kung asa ang sunog ilang adtuan aron tabangan.

Nasayran nga ang apil sa mga nianhi sila si DND Sec. Delfin Lorenzana, PCOO Sec. Martin Andanar, DILG Usec. Jonathan Malaya, DOH Usec. Vega, Deputy Chief Implemente Vince Dizon ug uban pa.

Facebook Comments