Gi-assessed na ang probinsya sa Bukidnon alang sa posibleng pagdeklara sa malaria free.
Sa interview sa RMN Malaybalay ngadto kang Dr. Ricardo Reyes, ang provincial health officer, gibutyag niini nga nagpahigayon ug assessment ang PHO uban ang mga stake holders alang sa mao nga katuyuan dili pa lamang dugay.
Matud ni Dr. Reyes nga wala nay kaso sa Bukidnon sa malaria.
Gipasabot niya nga usa sa mga basehanan alang sa pagdeklara sa malaria free mao nga wala nay kaso sa mao nga sakit sulod sa lima ka tuig nga gikan gayod sa probinsya.
Ang sakit nga malaria usa ka grabe ug makamatay nga sakit nga mugna sa impeksyon sa pipila ka klase sa parasitikong Plasmodium nga kasagarang napasa usab pinaagi sa pinaakan sa lamok.
Nasayran nga ang Bukidnon ang pinaka-una nga gideklarang filarial free.
