Gibutang sa community quarantine ang tibook probinsya sa Bukidnon.
Kini pinaagi sa Executive Order no. 13 series of 2020 nga gipakanaug ni Governor Jose Maria R. Zubiri Jr kagahapon sa hapon (March 17, 2020).
Ang mao nga lakang agig preventive measures aron malikayan ang pagkatag sa sakit nga Corona Virus disease o COVID 19.
Ilawom niini, gi-awhag ang publiko nga magpabilin sa ilang tagsa-tagsa ka panimalay kung walay mahinungdanong gawson.
Ipatuman usab ang hugot nga pag-inspeksyon pinaagi sa thermal scanner ang mga musulod sa Bukidnon samtang dili tugutan nga makasulod sa probinsya ang mga dili taga dinhi nga walay mahinungdanong tumong ug tuyo.
Facebook Comments
