Disyamado ang Bukidnon Joint Task Force – Inter-agency Task Force CV Shield sa mga barangay kapitanes sa probinsya.
Sa interview sa RMN Malaybalay ngadto kang Police Lt. Col. Arce Yam-oc, ang provincial commander sa Bukidnon CV Shield gibutyag niini nga hangtod karon wala pa gyod niya nakita ang lihok sa mga kapitan tungod kay aduna pa gihapoy mga tawo nga naglatagaw sa ilang mga barangay, ikaduha, wala pay kapitan sa barangay nga nanakop ug gipasakahan ug kaso ang iyang lumulupyo nga nakasupak sa balaod.
Matud niya nga dili igo ang pagpatuman sa curfew tungod kay wala kini penalty.
Gipasabot ni Col. Yamoc nga ilawom sa Republic Act 11469 kon Bayanihan to Heal as one Act nga adunay pagkapriso nga duha ka bulan ug penalty nga dili mutaas sa usa ka milyon.
Sigun niini nga supak sa balaod ang paggawas sa balay kon dili kini otorisado nga mugawas.
Gisiguro usab ni Col. Yam-oc nga ilang gisunod karon ang Executive order sa gobernador ug sa mga Mayores, gipagawas nga Presidential Proclamation 922, RA 11332 ug RA 11469.
