Mitala na og 13 ka mga kaso sa Delta Variant sa Covid-19 ang probinsya sa Bukidnon.
Kini basi sa kinaulahing taho nga gipagawas sa Department of Health (DOH)-X nga resulta sa gipadalang samples sa Genome Sequencing Test didto sa UP-Manila.
Sa mga kaso sa Delta Variant, Upat (4) ang natala sa dakbayan sa Malaybalay, duha (2) sa Valencia, duha (2) usab sa mga lungsod sa Baungon ug Manolo Fortich ug tag-usa (1) ka kaso sa lungsod sa Talakag, Don Carlos ug sa Quezon, Bukidnon.
Gikabalak-an na pagmaayo ang posibleng mahitabong pagsaka sa kaso sa Delta Variant sa probinsya sa Bukidnon maong hugot nga gipasaka ang quarantine measures sa tagsa-tagsa ka mga lugar.
Madumduman nga gibalik na sa Malaybalay City ang paggamit sa mga Home Quarantine Pass ug pagmugna sa Barangay Quarantine Control Points isip lakang aron mapugngan ang dili importanteng lakaw sa mga residente ug mapugngan ang pagkuyanap sa Covid-19 ilabi na sa makamatayng Delta Variant.
