Miabot na sa 67 ka mga kaso ang natala sa probinsya sa Bukidnon sa pagpanlugos gikan sa Enero hangtud Agosto ning tuiga.
Kini ang gibutyag ni PCol Michelle Olaivar, ang Spokesperson sa Police Regional Office 10 atol sa interview sa RMN DXMB Malaybalay.
Sumala ni PCOL Olaivar nga medyo ni ubos ang kaso kung itandi sa miaging tuig nga nakatala og 104 ka mga kaso sa susamang bulana.
Apan giklaro ni PCOL Olaivar nga dili kini angay nga ipagakampanti tungod kay alarming gihapon kining mga kasoha tungod sa nasinatian nga pandemya.
Dugang niya nga permaninte gayud nga masangpit ang Rehiyon X sa Philippine National Police nga nakabase sa Camp Crame sa Manila gumikan sa taas nga mga kaso sa pagpanlugos.
Maong hugot nga gipahimangnuan ni PCOL Olaivar ang mga ginikanan nga kanunay magagiya sa ilang mga anak ilabi na nga dali ra ma access ang ginapangita sa mga kabatan-onan pinaagi sa nagkadaiyang online site nga posibleng mahimong accessory sa pagbuhat og krimen.
