Nagaandam na matud pa ang probinsyal nga pangagamhanan sa Bukidnon sa nagsingabot nga selebrasyon sa Kaamulan Festival 2023.
Sa interview sa RMN Malaybalay ngadto kang Hansel Echavez, Head sa Public Affairs Information and Assistance (PAIA) Office sa Bukidnon, gibutyag niya nga sa umaabot nga Pebrero 1, adunay ipahigayon nga opening ritual sa pagpanguna sa mga tribal leaders.
Kini isip preparasyon sa Kaamulan grounds diin pagatukoron ang mga nagkadaiyang booths ug uban pang mga dekorasyon sa maong selebrasyon.
Sa umaabot Pebrero 13,2023 ipahigayon ang soft opening ug sa Marso 23 ang Grand Opening sa Kaamulan Festival didto sa Kaamulan Grounds.
Magpahigayon gihapon matud pa og opening ritual sa grand opening ayha ang ribbon cutting ug paga-ablihan ang Culture and Arts Exhibit, Agri-fair, ug uban pang mga kalihokan.
Facebook Comments
