Kompirmado nga nagpabilin pa gihapon nga luwas sa sakit nga makuha sa baboy nga African Swine Fever kon ASF ang tibook probinsya sa Bukidnon.
Kini ang giluwatan nga pamahayag ni Dr. Nancy V. Diez sa Provincial Veterinary Office, basi na usab sa pinakaulahing African Swine Fever Zoning Status sa Department of Agriculture- Bureau of Animal Industry.
Alayun sa maong kahimtang, nagpabilin gihapon nga alerto ug hugot nga nagpatuman ang Provincial Veterinary Sanitation Checkpoint alang sa seguridad hilabi na nganha sa mga utlanang lungsod sa probinsya.
Samtang, giawhag usab sa Provincial Government of Bukidnon, ang tanan nga namuhi og baboy nga mag pa insured na sa ilang mga binuhi pinaagi sa Swine Mortality Insurance ubos sa Philippine Crop Insurance Corporation (PCIC).
