Gisiguro sa Panggagamhanang Probinsyal sa Bukidnon nga luwas gikan sa African Swine Fever ang lalawigan.
Sa interview sa *RMN* Malaybalay ngadto kang *Hansel Echavez* ang administrative head sa Public Affairs and Information Assistance gibutyag niini nga gimando ni Governor Zubiri ang striktong pagpatuman sa temporaryong pagdili o pag ban sa pagsulod sa mga buhing baboy, karneng baboy lakip na ang mga produkto niini nga nagagikan sa nagkalain-laing probinsya sa tibuok nasod.
Matud ni Echavez nga gipamatud-an ni Zubiri ug sa Provincial Veterenarian nga luwas ang Bukidnon sa ASF pinaagi sa pagkaon sa letchon baboy sa gihimong panagtigum dili pa lamang dugay.
Kini dungan sa meat safety consciousness week nga gisugdan ning semanaha.
Dili pa lamang dugay gipahigayon ang unang meeting sa Provincial Task Force on Infectious and Contagious Animal Diseases sa Bukidnon diin gihisgutan ang mga lakang nga pagahimoon aron dili makasulod ang ASF.
