Bukidnon, nakatala na ug 44 ka kumpirmadong kaso sa COVID-19 as of July 8, 2020

25

Natala na sa probinsya sa Bukidnon ang 44 ka kumpirmadong kaso sa COVID-19 as of kagahapon, Hulyo 8 ning tuiga.

Ang mga nadugang nga ihap susamang mga locally stranded individual kon LSI’s.


Samtang sa siyudad sa Malaybalay, nakatala na ug 13 ka kumpirmadong kaso sa COVID018 as of kagahapon.

Ang confirmed case no. 8 usa ka 24 anyos nga babaye, LSI gikan sa Taguig kinsa naabot niadtong Hulyo 3 ning tuiga.

Wala kini sintomas sa virus. Gipailawom kini sa Rapid Diagnostic Test pag-abot niya sa Malaybalay ug nagpositibo maong gipailawom sa swab test.

Kagahapon, nigawas ang resulta kung asa kumpirmadong positibo siya sa COVID-19. Nagpabilin kining asymptomatic ug gipailawom sa istriktong isolation sa NMWRC sukad pa sa iyang pag-abot.

Samtang ang confirmed case no.9, usa kini ka 37 anyos nga babaye nga LSI gihapon nga gikan sa Dasmarinas, Cavite nga niabot niadtong Hulyo 7 ning tuiga. Gipailawom sa rapid test ug nagpositibo bisan pa man nga wala kini nagpakita ug sintomas sa virus.




Gipailawom kini sa swab test ug nigawas ang resulta kung asa nagpositibo kini sa COVID-19.

Kasamtangan usab gihapon kining gi-quarantine sa NMWRC.

Samtang ang ika-10, 11, 12, ug 13 nga kumpirmadong kaso sa COVID-19, susamang miyembro sa faith group nga ni-uli sa probinsya gikan sa Malabon City.

Pulos kini mga LSI nga mga babaye nga adunay edad 22 hangtod 24 anyos ug susamang lumulupyo sa Brgy. Maligaya. Nasayran nga kauban kining upat sa ika-5, 6 ug 7 nga kumpirmadong kaso sa COVID-19 sa Malaybalay.

Sa karon anaa kini sila sa NMWRC samtang ang ika-7 nga kaso nagpabilin sa BPMC.

Ang upat nga bag-ong nagpositibo wala kini nagpakita ug sintomas ug anaa sa NMWRC.

Samtang sa Valencia City nadugangan pa ug usa ka kumpirmadong kaso sa COVID-19 hinungdan aron muabot na sa 6 ang positibong kaso sa virus sa mao nga siyudad ug kini usab ang ika-4 nga aktibong kaso.

Usa kini ka 32 anyos nga lalaki, LSI gikan sa Cavite City ug taga San Isidro, Valencia City.

Nigawas ang resulta sa swab test kagahapon kung asa nagpositibo kini.

Gipailawom na kini sa istrktong isolation sa isolation facility sa mao nga siyudad.

Wala usab kini naka-uli sa ilang barangay sukad nga niabot kini niadtong Hunyo 29.

Facebook Comments