General Santos City – Sikop ang walo ka mga tawo sa drug entrapment operation nga gipahigayon sa PDEA Regional Office 12 katugbang ang Police Station 2 Makar kagabie sa Lot 3, Yu Village, Brgy. Apopong ning siyudad.
Base sa impormasyon gikan sa PDEA 12 nabisto sa ilang operating team ang drug den human nilang gikasa ang buy-bust operation kung asa kapin sa napulo ka pakete sa gidudahang shabu, 500 peso buy-bust money og daghang drug paraphernalia.
Giila ang mga nadakpang suspek nga Vanessa Mascariñas, Juanito Cabero, Leo Franz Aniñon, Malcris Borinaga, Bryan Borinaga, Raymund Liboon, Jim Lord Medina ug Anthony Lou Mahusay.
Dugang sa impormasyon, ang mga suspek parehong mga High Value Target nga dugay nang ginabantayan sa PDEA ug notado na sab isip mga drug offenders sa maong komunidad.
Gibana-bana nga kapin sa 70,000 pesos ang kantidad sa mga nakumpiskang iligal nga droga.
Patong-patong nga kaso ang atubangon sa mga nasangpit nga dinakpan ubos sa Comprehensive Dangerous Drugs Act.
Gipaubos sa kasamtangan ang walo ka mga suspek sa PDEA 12 Detention Facility.
Photo Courtesy : Jeb Galindez
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 79263668_705462190307872_2912994796993321695_o.jpg]
