Nakatala ang probinsya sa Bukidnon ug 6 ka person under monitoring kon PUM as of kagahapon (Marso 13, 2020).
Ang mao nga datus gipagawas sa Department of Health Center for Health Development – Northern Mindanao kagabie.
Ang PUM nagpasabot nga naay history sa travel gikan sa lugar nga naay nagpositibo sa COVID 19 ug gipailawom sa 14 days home confinement o self quarantine.
Sa interview sa RMN Malaybalay ngadto kang Dr. Ricardo Reyes, ang provincial health office ug chairman sa Provincial Task Force on COVID-19 gibutyag niini nga walay angayang kabalak-an kung adunay PUM.
Sigun niya nga ang PUM kung adunay tawo nga adunay travel history sa mga dapit nga adunay positibo sa coronavirus.
Kung sa sulod sa 14 ka adlaw nga home quarantine, makasinati ug sintomas sa COVID dinhi na ipailawom sa Person Under Investigation kon PUI.
Kung maka-classify sa PUI, kinahanglan nga mangayo sila ug advice gikan sa DOH aron mahimoan ug tukmang aksyon kung kini ipadayon ba sa self quarantine o kaha i-admit na sa hospital.
