Gipahayag sa Provincial Health Office kon PHO Bukidnon nga adunay 78 ka kaso sa Human Immunodefficiency Virus – *Acquired immunodeficiency syndrome* (AIDS) kon HIV-AIDS ang lalawigan.
Sa interview sa RMN Malaybalay ngadto kang Joseph Marben Gealon, medical technologist ug HIV AIDS coordinator sa PHO-Bukidnon gibutyag niini nga ang maong ihap base sa pinaka-ulahing datus nga ilang natala.
Gipasabot pa ni Gealon nga makuha ang HIV AIDS virus tungod sa habit o behaviour sa usa ka tawo.
Matud sa PHO nga upat lang ka pamaagi nga mataptan sa sakit ang una, makuha gikan sa likido sa lalaki; ikaduha, likido gikan sa mga babaye; ikatulo, gikan sa gatas sa inahan nga nagpasuso kung kini positibo sa mao nga virus ug ang ika-upat mao ang blood to blood products.
