Nalipay nga nasubo ang Department of Health Region 10 kalabot sa firecracker injuries.
Sa interview sa RMN DXMB Malaybalay ngadto kang Dr. David Mendoza, ang assistant regional director ug spokesperson sa DOH 10 gibutyag niini nga nasubo sila tungod kay wala nila nakab-ot ang zero casualty sa firecracker related injuries.
Matud ni Dr. Mendoza nga gikan niadtong December 21, 2019 hangtod Enero 2, 2020 sa hapon adunay pito ang ilang natala nga nasamdan tungod sa pabuto.
Gikalipay usab niya nga ang maong ihap 46% nga mas ubos kung ikumpara sa nakalabay nga tuig nga adunay 13 ka kaso.
Sigun ni Mendoza nga natala ang nasamdan gikan sa probinsya sa Bukidnon, Lanao del Norte ug Misamis Oriental.
Gidugang niya nga ang Bukidnon adunay pinakataas nga ihap sa nasamdan sa firecracker nga nakatala ug 3 ka injuries kung asa kini sila maoy niadto sa mga balay tambalanan.
Sa kinatibuk-an gikonsidera ni Dr. Mendoza nga nalampuson sila sa ilang kampanya kontra pabuto alang sa pagsugat sa tuig 2020.
