Bukidnon – Gihulagway karon sa Provincial Government of Bukidnon nga aduna nay dakong kausaban ang Bukidnon human ang 103 ka tuig na nga nakalabay human nga nahimugso isip probinsya.
Sa interview sa RMN Malaybalay ngadto kang Atty. Nestor Cajes, ang provincial administrator gibutyag niini nga makita karon ang dakong kabag-ohan sa Bukidnon kung ikumpara sa nakalabay nga katuigan.
Pamatuod matud pa niini ang pagka-top sa probinsya isip most competitive sulod sa lima ka probinsya sa rehiyon 10 ug ika-9 nga probinsya sa most competitive sa tibook Pilipinas.
Matud ni Atty. Cajes nga panahon na nga ipakita sa uban probinsya nga adunay kapasidad ang Bukidnon.
Nanghinaut pa ang provincial administrator nga unta magpadayon na ang kalambuan nga baktason sa probinsya.
