Magahatag sang duha ka Milyon ka Pesos si Agriculture Secretary Manny Piñol sa idalum sang “financing program’ sa mga pumuluyo sang Isla sang Boracay.
Gin-istorya ni Piñol sang nakaligad nga adlaw ang mga mangingisda, kababainhan kag mga miyembro sang Ati Tribe sa Isla sang Boracay para sa posible proyekto pang-agrikultura nga makahatag sa ila sang palangabuhian.
Ginpahayag ni Department of Agriculture Regional Executive Director Remelyn Recoter nga antis hatagan sang budget ang benepisyaryo, igapaidalum ang mga ini anay sa Validation.
kapin sa 25 mil pesos ang maximum limit nga igahatag sa benepisyaryo para sa livelihood program sa idalum sang Survival and Rehabilitation Financing Program kag Production Loan and Easy Access.
Nag-turn-over man si Piñol sang napulo ka fiber glass boats sa grupo sang mga ati nga mangingisda.
Nagpanghatag man siya sang plastic drums, vegetable seeds kag garden tools para sa igapatuman nga training sang mga ati sa urban agriculture.
