Ginhingyo ni Provincial Health Officer Dr. Rogelio Aturdido Jr., ang bulig sang Department of Interior and Local Government ukon DILG South Cotabato agud nga mapahulag ang mga barangay opisyal sa full implementation sang Aksyon Barangay Kontra Dengue.
Ini matapos nga padayon ang pagsaka sang kaso sang nasambit nga balatian dire sa probinsya subong nga tuig kag kon sila lang suno pa sa Provincial Health Office indi nila kaya nga wala sang kooperasyon sang katawhan.
Suno kay Dr. Aturdido wala man nagauntat ang talatapan sa ila nga adbokasiya sa pagpang-awhag sa katawhan nga lima lang ka minuto libuton ang panimalay kag ugsaran kag ipatuman ang search and destroy sa ginaitlugan sang lamok nga nagadala sang dengue.
May-angot sini, nagpasalig man ang pamunuan sang DILG South Cotabato nga magabulig agud nga pahulagon ang mga barangay opisyal sa kampanya batok balatian nga dengue.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
