Bulig sang syudad sa mga nahalitan sang bagyo Ursula, i-deliver mismo sa natungdan nga mga LGU

SYUDAD sang Iloilo – Igadeliver sang syudad ang bulig sa mga local government units nga nahalitan sang bagyo Ursula.

Suno kay Mayor Jerry Treñas, i-deliver una ni Vice Mayor Jeffrey Ganzon sa probinsya sang Aklan ang bulig sang syudad sa Sabado.

Magabaton ang 14 ka LGU sang tag P300,000 nga assistance gikan sa syudad.

Ini nga mga LGU’s amo ang probinsya sang Aklan kag mga banwa sang Kalibo,Malay, kag Ibajay; probinsya sang Capiz, Roxas City kag banwa sang Sigma.

Sa Antique amo ang mga banwa sang Pandan, Caluya kag Libertad kag mga banwa sang Concepcion, Carles, Batad kag Balasan sa Iloilo.

Kabug-usan nga P 4.2 million ang pondo nga gin-aprubahan sang konseho para sa assistance.// JFranco News

Photo via OCD 6