Drayber nga nakabangga patay sa gwardiya, gipasaylo

11

General Santos City–Wala na matud pay plano nga mopasang-at pa ug tukmang kaso ang pamilya sa gwardyang nakabangga sa forward truck sa area sa diversion road nga sakop sa Purok Odagre, Barangay Conel ning dakbayan sa Gensan nga nahitabo niadtong nakalabayng gabie.

Nasayran nga nakabsan gyud sa iyang kinabuhi ang biktima human nga mibangga ang motorsiklo niini sa likod nga bahin sa forward truck nga gimanihuan ni Arcel Alon, hamtong ang panuigon nga nanimuyo sa Prk 4, Raja Muda, Barangay Bula.


Sumala pa ni shiela Bignayan igsuon sa biktima nga nagsaad na matud pa ang nanag-iya sa maong forward truck nga tabangan sila sa pag pahiluna sa patay nga lawas sa biktima ngadto na sa pag palubong niini sa sto. Niño South Cotabato.

Nasayran nga nakurat nalang si Sheila human nga nasayran ang nahitabo sa iyang igsuon, gani wala na niya naabtan pang buhi ang biktima gumikan nakabsan gilayon kini sa iyang kinabuhi.

Basi matud pa sa pagsaysay kaniya sa mga kakaubanan sa biktima , wala naka-inom ang nahisgutan tungod kay duty matud pa siya sa maong higayon ug mokaon lang unta sila sa maong lugar kay sweldo sa iyahang kauban sa tgrabaho apan walay swerting nahitabo ang disgrasya nga gikamatay sa biktima.(Dave Silagan)

Facebook Comments

From Advertisers