Pagadal-on sa mga barangay sa Koronadal City sang organizer sang Buliganay(community) pantry umpisa subong nga semana ang programa nga pagatawgon nga Buliganay pantry on Wheels.
Suno kay Ian Parcon, communication officer sang team paagi sini makontrol ang pagdagsa sang katawhan kag madul-ong sa target nga mga benepisyaryo ang bulig nga ibutang sa barangay hall.
Paklaro naman ni Parcon nga naidentify na ang ila nga target nga mga benepisyaryo tungod magabase sila sa listahan sang Department of Social Welfare and Development Office kon sin-o gid ang nagakinahanglan sang bulig.
May-angot sini, ginaekspektar nila suno kay Parcon nga sa masunod nga mga sinemana kada barangay sa syudad may-yara na sang ila kaugalingon nga Buliganay(community) pantry.
Ginkumpirmar niya nga sa duha ka adlaw nga buliganay sang nagligad nga semana nagalab-ot sa masobra 1,500 ang nakabenipisyo.
Sa subong padayon ang pagbaton nila suno kay Parcon sang donasyon para sa Buliganay pantry on Wheels kag sa mga luyag maghatag magkontak lang suno sa iya sa 09054012720.
