Bunawan road crash: 23-anyos lalaki patay

Davao City – Patay ang usa ka lalaki sa disgrasya tali sa Elf truck ug dump truck sa Km. 23. Bunawan, Davao City alas-11:08 kaganinang buntag, Pebrero 22, 2020.

Sa interbyu sa DXDC RMN Davao kang Police Corporal Felomino Panes sa Bunawan PNP, giila niini ang biktima nga si Jevier Galanta, 23-anyos, usa ka helper nga taga Sun City, Sasa, Davao City.

Gibutyag ni Panes nga sakay si Galanta sa Elf truck nga gimaneho ni Mark John Ereso, 27-anyos. Susamang padulong sa Davao ang duha ka sakyanan diin mi-signal sumala pa nga muliko patuo ang nag-una nga dump truck nga gimaneho ni Felipe Albaran Jr, 40-anyos sa dihang naalanganin sa paghunong ang Elf ug tungod sa kakusog sa dagan mibangga kini sa dump truck.


“Naalanganin na daw siya [driver sa Elf]. Mao to nga ni-brake nalang siya. Unya nagmalfunction naman ang brake. Mao tong gikabig nalang niya, mao tong namatay ang helper,” saysay ni Panes.

Reckless Imprudence Resulting to Homicide ang kasong atubangon sa driver sa Elf.

RadyoMaN Kirby Manzon

Facebook Comments