Davao City – Hugot gipatuman ang kampanya batok illegal gambling sa kapolisan sa Bunawan PNP bag-ohay pa lamang laing nadakpan nga usa ka dalaga human nagpataya og last two atol sa gilusad nga Anti-Illegal Gambling Operation alas 8:00 sa gabii natigayon didto sa Purok-7 Brgy. Ilang siyudad sa Davao.
Sumala sa report gikan blotter sa Bunawan PNP ang nadakpan naila sa pangalang Tessa Ebasitas, 28 anyos ug residente sa nasampit nga lugar.
Narekober sa kapolisan gikan sa posisyon sa dinakpan ang mga illegal gambling paraphernalia.
Sa datus sa Bunawan PNP, pito na ka mga usher ang nadakpan nga nagpataya og last two gikan sa bulan sa Enero hangtod sa bulan sa Pebrero sa kasamtangang tuig.
Samtang sa Calinan PNP, laing nadakpan ang usa ka ginang human nagpalast two alas 2:00 sa hapon nga nailang Emircidita Binalauc, 49 anyos, residente sa Purok 9 Upper Sirib, Calinan ning dakbayan sa Davao.
Matud pa samtang gilusad sa kapolisan ang anti-illegal gambling operation, naaktohan ang suspetsado nga nagsolicit og last two hinungdan gilayon giposasan sa mga police diin narekober ang mga illegal gambling paraphernalia lakip ang kuwarta nga gipangpatad nga mokantidad og P231.00.
Ang dinakpan nga sila Ebasitas balhog na sa Bunawan samtang si Binalauc sa Calinan PNP ug gihikay na ang kasong kalapasan R.A. 9287 kun illegal gambling.
RadyoMaN Don Pulayao
