Dao, Capiz – Pilason ang tatlo ka magpamilya matapos nga nadisgrasya ang mga ini sa ginasakyan nga motorsiklo sa National Highway sa Brgy Nasunogan banwa sang Dao pasado alas 12 sang udto kahapon nga adlaw.
Ginkilala ang mga napilasan nga amu sanday Jocel Atanuso, 32-anyos; Jomarie Atanuso, 28-anyos kag anum ka tuig nga bata nga babaye.
Ang driver nga si Jocel Atanuso ang nag-angkon sang bali sa iya siki bangud sa kabaskugon sang pagkabunggo kag pagkatumba sang mga ini samtang pilason man ang duha ka mga backrider.
Una nga gindangat ang mga ini sa Dao District Hospital apang ginrefer sang doktor padulong sa Western Visayas Medical Center sa syudad sang Iloilo para sa pagbulong.
Suno sa inisyal nga imbestigasyon sang mga kapulisan, halin ang magpamilya sa Iloilo kag ginasubay ang dalan padulong sa banwa sang Jamindan sang nabunggoan ang mga ini sang kasugata nga motorsiklo nga ginamaneho naman ni Nonito Porras y Del Rosario, 62-anyos sang Banga, Aklan.
photo(c)- Dao BFP
