Isa ang patay kag pito ang pilason sa pagbunggu-anay sang 10 wheeler truck kag Mitsubishi L300 FB van mga alas 10 kagab-i sa Circumferential road sakop sang Maestravita, Oton, Iloilo.
Ginkilala ang napatay nga si Rainier Grecia sang Dungon C, jaro , driver sang L300 samtang pilason naman ang mga kaupod sini nga sanday Marte Buenavista, Romel Diaz, Angelo Bernardo, Premund Bitoonon kag Romeo Deloso.
Pilason man ang driver sang truck nga si Jerry Tingal, 40 anyos sang Toboso, Negros Occidental kag ang helper sini nga si Mark Tubida sang Victorias City, Negros Occidental.
Ginpahayag nga halin sa Cebu ang truck padulong sa Antique apang sang mag-abot sila circumferential road sa bahin sang Maestravita, Oton hinali na lamang bumunggo sa ila ang nagahagunos nga L-300 van.
Gindala pa sa WVMC ang mga biktima apang gindeklarar nga DOA ang driver sang van nga si Grecia.
