GENERAL SANTOS CITY – Ugdaw gyud ang bunk house sa mga pulis nga nahimutang sa likod nga bahin sa karaang building sa Tambler Police Station 5 human kining gilamoy sa kayo alas 2:00 pasado ang takna kaganinang kabuntagon Byernes Hunyo 1.
Matod pa kay SFO2 Macacuna Tumambiling, Arson Investigator sa Bureau of Fire Protection sa Gensan nga mukabat sa unom ka mga lawak ang nasunog apil na ang mga gamit sulod niini ug personal nga gamit sa mga pulis sama nalang sa pusil.
Gituohan sad sa arson investigator nga posibleng gisugdan sa kalayo mao ang wala matangtang nga plug sa flat screen tv nga nakapatong sa refrigerator sulod sa mess hall sa presinto.
Nasayran nga pag abot sa mga bombero sa lugar, dako na kaayo ang sunog human paspas nga gilamoy sa kalayo gumikan gama sa light materials.
Sa gihimong inisyal nga pagsuta sa BFP GenSan anaa sa 300 mil pesos ang damyon og posibleng motaas pa kini ugaling makahimo na og fire damagement assessment ang mga pulis nga nasunogan sa ilang personal nga gamit.
Alas 4:00 pasado na dihang gideklarang fired out ang maong sunog.
For more info’s and updates, like and share our official facebook account : www.facebook.com/ifm91.9Gensanofficial/
