Ginlakip na sang World Health Organization (WHO) ang burn out sa iya International Classification of Diseases (ICD) nga amo ang ginagamit bilang benchmark sa diagnosis kag health insurers.
Nalambot ang desisyon sa World Health Assembly sa Geneva, nga magatakop subong nga adlaw.
Paagi sini matapos na ang mga debate kun bala kabigon nga medical condition ang burnout.
Sa latest catalogue of disease and injuries sa palibot sang kalibutan, ginalaragway sang WHO ang burnout nga kondisyon nga resulta sang padayun nga stress sa trabaho kag wala ginmanage sang husto.
Kalakip sini ang mga kondisyon nga kakulang sang kapagsik kag kakapoy, negatibo nga panan-awan sa trabaho kag manubo nga efficiency sa trabaho.
Ini nga classification nalakip sa ICD 11 nga ipatuman sa 2022// via Joel Franco Health News
Photo from web
