Davao city – Giandam na sa kapulisan ang kaso batok sa driver sa Holy Infant Bus nga si Diosdado Sabay kinsa mibangga sa 4 ka behikulo ug sa hardware nga gikaangol sa 34 ka pasahero.
Gihikay na daan sa Buhangin PNP Traffic Section ang asuntong reckless imprudence resulting to multiple physical injuries ug damage to properties ugali magpasaka og kaso ang 34 ka mga pasahero batok kang Sabay karong adlawa.
Apan matud ni Police Officer 1 Sabaw, dili na interesado magduso og kaso ang mga pasahero human sila giatiman og maayo sa kumpanya sa bus sud sa ospital.
Apil nadala sa Southern Philippines Medical Center ang bus driver nga si Sabay kinsa naa sa kuyaw nga kahimtang ug apil na ang konduktor nga posible maputlan og tiil human nagrabahen og kaapit sa bus.
Migula sa inbestigasyon, gikan sa Davao Del Note ang bus apan pag-abot sa Davao International Airport nagsugyot ang konduktor sa driver nga panaugon ang ilang mga pasahero human namatikdan ang deperensiya sa bus.
Apan wala matud pa nanumbaling si Sabay ug kampanti kini nga nagpadagan hangtud pag-abot sa kanto sa NHA Buhangin kalit nawad-an og break ang bus mao upat ka behikulo ang nabanggaan ayha nidiretso og bangga sa usa ka hardware.
RadyoMaN Joel Viray
