Davao City – Sabay sa implementasyon sa High Priority Bus System (HPBS) sa syudad sa Davao ang planong pag-professionalize sa trabaho sa pagpamaneho.
Subay niini, gibutyag ni Assistant City Administration for Operations Atty. Tristan Dwight Domingo nga makigkoordinar sila sa Technical Education and Skills Development Authority (TESDA) aron ma-akomodar ang kasamtangang 7,200 ka mga drivers sa dakbayan nga mawalaan og panginabuhian.
“When we try to implement the HPBS kinahanglan atong mga drivers certified nga drivers and the jeepney drivers that we have now we cannot simply just put them in the buses because driving a bus is quite different in driving a multicab or jeepney.”
Dugang niini, adunay ipahigayon nga mga libreng trainings sama sa mechanics gani ang mga maapektuhang miembro sa transport sector sama sa drivers ug operators walay angay ikabalaka.
Gikanayon ni Domingo nga panahon mapatuman na ang HPBS ug aduna nay han-ay nga sistema, magkinahanglan ang lokal nga panggamhanan og 10,000 ka mga empleyado sama sa bus drivers, mekaniko, ingon man mga staff sa opisina ug naga limpyo sa bag-ong equipment.
“Under the HPBS we will be deploying around 1000 buses and with that data alone naay 6,200 nga mga drivers ang walay kapadulngan so we will tie up with TESDA to fund the trainings na pwede nilang i-undertake where one of this is bus driving,” saysay niini.
Samtang lauman nga karong tuiga sugdan ang implementasyon sa HPBS dinhi sa dakbayan isip tubag na usab sa nagkagrabe nga dagan sa trapiko.
RadyoMaN Jason Amisola
