Bus gi-quarantine tungod sa pasaherong positibo sa COVID-19

169

Davao City – Gipang-quarantine ang tanang sakay sa bus lakip na drayber ug konduktor gikan og Cagayan de Oro City tungod sa usa ka pasaherong nagpositibo sa COVID-19.

Gibutyag ni Dr. Ashley Lopez, City Health Office chief, ang maong pasahero, returning resident nga nagsakay sa barko gikan sa Cebu ug nag-by-land na padulong sa syudad sa Davao.


“Naa na puy bugal-bugalon nga nisakay siya’g barko from Cebu to Cagayan de Oro. Nagpa-test siya sa Cebu pero wala niya gihulat ang resulta, pag-abot niya sa Cagayan de Oro nisakay siya’g bus padulong og Davao, pag-abot sa boundary sa may Lacson nakadawat siya og text nga positive iyahang resulta,” sumala niini.

Matud ni Lopez, naka-isolate na sa Temporary Treatment and Monitoring Facility (TTMF), ang COVID-19 positive nga pasahero, samtang gi-quarantine na usab ang kapin 30 ka mga kaubang pasahero sa bus sa Tent City ug gitakdang i-swab test.

Gibutyag ni Lopez, mas gi-estriktuhan ug nag-igmat ang lokal nga panggamhanan aron masegurong walay makalusot sa mga borders sa syudad aron makontrol ang kaso sa COVID-19 sa dakbayan.

Nagpahimangno si Lopez sa mga travelers nga tumanon ang mga giimplemintar nga COVID-19 measures sa dakbayan partikular na sa mga returning residents sa pagsumite og negative RT-PCR test result.



RadyoMaN Aimee Guinita


Facebook Comments