Bus special permit gitanyag sa pasko

26

Davao City – Nagtanyag karon ang Land Transportation Franchising and Regulatory Board (LTFRB) og special permit alang sa mga bus companies sa umaabot nga Pasko aron masigurong ma-accomodate ang mga pasahero sa Davao City Overland Transport Terminal (DCOTT).

Sa interbyu sa DXDC RMN Davao kang Aiza Usop, DCOTT manager, gibutyag niini nga nakigpag-alayon na sila sa LTFRB ug gibutyag niini nga awtomatik silang maghatag og special permit sa mga bus companies labi na niadtong mga lugar nga dagsa ang pasahero.


“Impromptu sila maghatag og special permit alang atong mga area nga daghan og mga pasahero,” segun ni Usop.

Samtang gisaysay sa DCOTT manager nga sama sa naandan atol sa peak season sama sa Disyembre 25 ug Enero 1, dili ginasunod ang time interval sa biyahe, kundili kinahanglan pang padaghanon sa bus ang pasahero ayha kini mularga.

RadyoMaN Kirby Manzon

Facebook Comments