Davao City – Patay on-the-spot ang duha ka mga minor de edad nga mga estudyante nga sila si Joselito Idorot Jr. ug si Joanie Gabutin samtang usa ang kritikal ang kahimtang sa usa pa human kini napunggitan sa usa ka bus diha sa may kanto Greenland Village, Dumoy, Talomo district ning siyudad kagahapon alas-3:00 pasado sa hapon kagahapon.
Base sa inisyal nga report, gikan nagpraktis og sayaw ang mga biktima diin nakadesidir kini nga mag joyride sakay sa payong-payong.
Apan igo lang nakagawas sa kanto Greenland ang maong motor diin wala kini makabantay sa naghaguros nga bus ug aksidenteng nabundolan ang gisakyan sa mga estudyante hinungdan sa kamatayon sa duha ka mga biktima.
Anaa na sa Angel Funeral Parlor ang patay’ng lawas sa biktima samtang naka kustodiya na ang driver sa maong bus ngadto sa kapolisan sa Talomo.
RadyoMaN Paul Canono
