Patay ang usa ka tricycle driver human mabanggaan sa kinglong bus ang gimanehong tricycle sa National Highway sa Sitio Tambaling, PSB, El Salvador City, Misamis Oriental mga alas 8:15 kagabie.
Kini ang gibutyag ni Police Supt. Randy Anito, Chief of Police sa El Salvador City Police Station sa interview sa dxCC-RMN.
Matud ni Supt. Anito nga dead on arrival sa ospital ang biktimang 56 anyos nga si Roberto Jumalon, minyo ug taga Logilo, Alubijid, Misamis Oriental human nakaangkon og grabeng samad sa kalawasan.
Samtang ang maong bus gimaneho sa 42 anyos nga si Maceren Mangubat nga naa karon sa kustodiya sa kapulisan sa El Salvador City.
Facebook Comments
