Davao City – Patay ang usa ka driver sa canter truck sa nahitabong bangga sa Upper Kinukol, Brgy. Inawayan, Davao del Sur kagahapon sa buntag, May 19, 2019.
Sa report sa Sta Cruz PNP, giila ang biktima nga usa ka Raymund Arcenal nga taga Visayan Village, Tagum City kinsa maoy driver sa canter truck nga mibangga sa ACF bus.
Sa inisyal nga imbestigasyon, paliko ang truck sa usa ka dalan sa maong brgy ug mao usab ang pag agi sa bus hinungdan sa pagkabangga diin sa kakusog sa impact, gikamatay kini sa driver sa truck.
Samtang sa post sa usa ka pasahero sa maong bus nga si Laicram dabi, trauma ang gibati niini human sa hitabo.
Padayon usab nga pahinumdom sa mga otoridad ngadto sa mga mubyahe ug mga drivers nga mag amping sa pagmaneho ug di usab magpakusog og padagan.
RadyoMaN Renz Barbarona
