SUICIDE | Isa ka lalaki sa banwa sang Pilar, ginapahayag nagpanginmatay!

126

Pilar, Capiz – Patay ang 28-anyos nga lalaki matapos ginapatihan nga nagpanginmatay sa sulod mismo sang ila poluy-an sa Brgy. San Pedro, Pilar, Capiz.
Suno sa imbestigasyon sang Pilar PNP, ginkakibot na gid lamang sang utod sang biktima nga nakilala kay “Jomar’ nga nagabitay na ang lawas sini sa balayan kun sa diin gingamit niya sa pagpanginmatay amo ang nylon cord nga ginhigot sa iya liog.
Ginapatihan nga ang depresiyon bangud sa ginabatyag sini nga pilas sa natuo nga butkon kag ang indi nila pag-intindihanay sang kahagugma amu ang nagtulod sa biktima nga utason ang kaugalingon nga kabuhi.
Nahibaloan nga antes nagpanginmatay, nagbilin anay ini sang isa ka suicide note nga nagasiling nga indi na sini matakuran ang kasakit sang iya butkon. Ginbilin man sini nga sa Hunyo 19 sini nga tuig siya ilubong.

Facebook Comments