Ocho maga pasahero del un bus del Rural Transit ya sale irido despues el bus yan ara con el dos concrete barriers na calsada na Culianan enantes aga.
El air-conditioned bus estaba na Dipolog City que ta maneha si Rolly Fiel y Mendoza, 46, de Bakung, Salug, Zamboanga del Norte amo el ya accidenta serca man alas 5 del aga enantes.
Asegun na report, ya puede cuji el sueño di Fiel amediante ta maneha este con el bus.
Ya espanta ya lang el maga pasahero cuando ya ara el bus con el dos barriers na calsada razon para sinti duele el ocho del maga pasahero mientras ya sale tambien destrosao el dertecha parte del bus y sapa deste fuerta.
Pero el maga pasahero quien ya sinti dwele nohay mas quere manda pa lleva canila hospital y envez ya prefiri estos bolbe ya lang na destos cada-y-cual lugar.
