Malaybalay City, Bukidnon – Desidido ang Bukidnon Second Electric Cooperative kon BUSECO nga mupasaka sila ug kaso batok kang Felix Vergara ug kaubanan niini human nga gihimo ang simultaneous attempt nga pagtake-over sa Buseco Main Office ug Malaybalay City Branch office sa Buseco.
Mahinumduman nga gihimo ang pagsulay nga take over sa grupo ni Felix Vergara kuyog ang laing 50 pa kaniadtong Agosto 31, 2017.
Sa press conference gibutyag ni Atty. Ria Faith Besahan, ang legal officer sa Buseco nga subay sa ilang nakita sa CCTV Camera ug sila mismo nga nakasaksi sa gihimo ni Vergara, ilang ipasaka ang kaso nga naglangkob sa grave coercion, trespass to dwelling, grave threats, public disturbance, frustrated robbery.
Gitawag usab ni Christy Escarro, nga nahimong OIC kaniadtong panahona nga invasion ang gihimo sa grupo ni Vergara tungod kay alas 5 sa buntag kini gihimo.
Gipahayag usab ni Christopher Dulfo, ang OIC –General sa Buseco nga destruction ang gihimo ni National Electrification Administration kon NEA Administrator Edgardo Masongsong sa Buseco.
