Nakatakdang ipatawag karong adlawa sa Sangguniang Panlalawigan ning lalawigan sa Bukidnon ang National Grid Corporation of the Philippines kon NGCP, Bukidnon Sub-Transmission Corporation kon BSTC, Bukidnon Second Electric Cooperative kon BUSECO, ug First Bukidnon Electric Cooperative kon FIBECO.
Sa interview sa RMN Malaybalay ngadto kang 2nd District Board Member Melchor Maramara, gibutyag niini nga kini aron ipapasabot kung unsay hinungdan sa mga unscheduled power interruption nga gakahitabo ning nakalabay nga mga semana.
Matud ni Maramara nga dakong epekto sa mga negosyo ug appliances ang subsob nga kalit nga pagkawala sa sugang dagitabnon.
Samtang naghatag usab ug tips ang board member sa mga konsumante nga dili gilayon e-on ang plangka kung wala pa hingpit nga nibalik ang kuryente aron malikayan ang pagkaguba sa mga appliances.
