Matod ni Business Bureau Head Maribel Paguican nga sa siyam ka adlaw palang nga pagproseso sa renewal nakatala na ang ilang buhatan og kapin 20mil ka business permit nga na-renew na ug mas dako og 200 ka ihap itandi sa samang period sa miaging tuig.
Sumala ni Paguican nga nagsugod og dagsang ang mga tawo sa ilang buhatan niadtong Enero 3,2024 ug hangtod karon wa’y pagkun- hod ang volume sa mga nagpa-renew og business permits diin niadtong unang adlaw kon sa Enero 2,2024 dyotay ra kaayo ang mga nagproseso.
Sigun ni Paguican nga karong tuiga, ang ilang buhatan nag-target og 45-48mil ka business permit nga ma-renew ug dako ang posibilidad nga makab-ot kini sanglit sa siyam palang gani ka adlaw naa na sa kapin 20mil ka business permit ang na-renew karong panahona.
Target usab sa Business Bureau nga makatala og 5mil ka bag-ong business permit nga aplikasyon alang sa bag-ong mga negosyo dinhi sa Dakbayan diin sa karon duna na’y walo ka aplikasyon alang sa bag-ong permit ang na-proseso sa nasampit nga buhatan.
Dugang ni Paguican nga aduna sa’y mga satellite offices gimuntar ang Business Bureau sa ubang mga lugar sama sa Almendras Gym, Calinan area, City Gate Buhangin, Marilog District Office, Paquibato District kung asa dili na magproblema ang mga Negosyante tungod paspas ang proseso niini gumikan sa One-Stop-Shop nga gi-establisar sa tanang mga satellite offices ug sa mismo sa Business Bureau Office nga nahimutang sa Sp Building ning Siyodad.
Radyoman Joel Viray
