Nagbalik-serbisyo na karong tuiga ang Business One Stop Shop (BOSS) sa lokal nga pangagamhanan sa Manolo Fortich sugod kagahapong adlawa didto sa Municipal Gymnasium, Barangay Tankulan sa munisipyo.
Nakaandam ang mga empleyado sa lokal sa paghatag serbisyo sa katawhan ilabi na sa mga naay patigayon.
Nakaiskedyul ang matag barangay pag-adto sa Business One Stop Shop diin sugod kagahapong adlawa hangtud Huwebes, Enero 5, 2023 gikatakda ang Barangay Damilag, Manolo Fortich sa pagproseso sa mga gikinahanglang mga papeles alang sa ilang mga patigayon.
Mulungtad sa usa ka bulan ang pagserbisyo sa Business One Stop Shop sa lokal nga pangagamhanan sa Manolo Fortich.
Facebook Comments
