Sukwahi sa milabay na tuig na human dajon sa Bag ong Tuig an pagsugod sa pagbayad nan business taxes,kuman na tuig 2019,ini tagsugdan sa ikaduhang semana na.Sugod kuman na adlaw,Enero 7, makahimo na sa paglukat o pagrenew nan ila mga permit an tanan mga nag negosyo sa syudad nan Surigao. Pareho sa nanlabay na tuig,an One Stop Shop jaun gihapon suyod sa City Auditorium diin dili na magproblema an tanan morenew o mulokat nan ila mga lisensya kay an tanan na mga ahensya an jaun na gipahimutang para dile malangan o para mas sajon sila na makahikay sa ila mga katujoan.Gibutyag nan hepe na si Mr. Ernesto Kang sa Business Permit Licensing Office na ila gitarget kuman an P60 milyones pesos na kita para sa inin tinuig na One Stop Shop.
Facebook Comments
