Davao City – Subling giawhag sa lokal nga panggamhanan sa Davao City ang business owners nga tumanon ang amended Closed Circuit Television (CCTV) Ordinance aron makatabang sa pagmintinar sa kahapsay ug kalinaw sa dakbayan.
Atol sa 20th City Council Media Forum gahapon, May 2, 2024, gibutyag ni Councilor Luna Maria Dominique Acosta, chairperson sa Committee on Peace and Public Safety nga kung magmasupakon, mamahimong isuspende o i-revoke ang permit sa negosyo o establisyemento. Ug mamahimong makabayad og multa ug mapriso kung hilabtan o dauton ang CCTV.
Gituki sad sa konseho ang kaso sa mag-uyab nga Jennifer Chavez ug Jeff Predas kinsa parehong napalgang patay sulod sa usa ka condo sa Bajada ug matud pa, mapadali unta ang imbestigasyon niini kung migana pa ang CCTV camera.
Sa karon, padayon ang monitoring sa panggamhanan sa mga establisyemento kung sila mituman ba sa maong ordinansa.
RadyoMaN Ivy Parido
Facebook Comments
