Business renewal reminders giluwatan

Davao City – Gipahimangnoan karon ang mga negosyante nga i-renew na ang ilang mga business permits aron malikay sa mga posibleng silot.

Sa interbyu kang Davao City Business Bureau head Atty. Marissa Marasigan-Torentera nga panahon dili marenew ang mga business permits diin deadline niini karong Enero 31 aduna nay surcharge nga 20% samtang adunay 2% penalty matag labay sa bulan.

Segun ni Torentera, adunay duha ka mga sites alang sa pagproseso sa mga business owners sa ilang permits – sa City Treasurer’s Office (CTO) sa Sangguniang Panglungsod nga muatiman hangtod Enero 31 diin pwede ang renewal, application ug uban pang transaksyon ug sa Davao City Recreation Center (kanhi Almendras Gym) diin renewal lang ang gina-cater ug taman lang sa Enero 24.


“Nashortened ta sa Almendras to give way sa DAVRAA kay mag start na sya this month,” tataw niini.

Gisugdan kagahapon, Enero 3, ang business permit renewal hangtod sa Enero 31 diin magsugod kini alas-8:00 ka kabuntagon hangtod alas-8:00 sa gabii matag Lunes hangtod Biyernes ug hangtod alas-5:00 sa hapon lamang matag adlaw’ng Sabado.

RadyoMaN Jason Amisola

Facebook Comments