Davao City – Walay rason nga ipailawom sa ‘State of Calamity’ ang nasud tungod sa problema sa supply sa bugas ug taas nga presyo sa palaliton.
Sumala ni Davao City Chamber of Commerce and Industry Incorporated (DCCCII) President Arthur Milan, mitaas lang ang presyo tungod kay adunay nasinatiang problema sa supply sa bugas, apan kung mobalik na sa normal mobalik na usab sa pag-ubos ang presyo.
Samtang gipasabot usab ni Milan nga normal lang nga mohimo og action ang gobyerno sama sa price freeze kung dili na gayud mapugngan apan sa karon wala pay rason nga rendahan sa kagamhanan ang presyo sa mga palaliton.
Pabor usab ang presidente sa mga magpapatigayon sa Davao nga ilusad ang mga pagsusi sa mga bodega aron masayran kung adunay natigayong pagpangtago sa supply sa bugas aron motaas ang presyo tungod kay usa kini usa ka porma sa economic sabotage.
Gitataw pa usab ni Milan nga magbutang lang og rice trading centers kung kulang ang supply sa bugas.
RadyoMaN Bernard Pantallon
