Wala nahimong babag sa usa ka visually challenged person ang pagpangita ug panginabuhi. Si Jeryl Andoc usa ka buta nga naningkamot mabuhi pinaagi sa pagmasahe sa iyang mga suki nga customer. Home service ang kasagaran nga raket niini taliwala nga dili kini makakita.
Ang kalisud maoy nag tukmod kang Jeryl sa pagduol sa iyang mga suki kinsa wala nay panahon nga mosulod sa mga massage parlor nga mas daku ug pangayo. P100 pesos lang ang whole body massage ug P50 para sa half body ang gitanyag sa maong buta nga masahista.
Wala gikaulaw niini ang iyang trabaho kay ligdong ug tarong man kini. *”Mas maayo nalang kini kaysa mohimo ug mga illegal”* mao kini ang pulong ni Jeryl nga sulod sa dugay na nga panahon gatrabaho isip usa ka blind masseur.
Gibale wala niini ang magbaklay ug ang mag-inusara sa dalan taliwala nga peligroso nga ma bundulan sa mga gahaguros nga mga sakyanan, mapandol sa side walk o mahulog sa man hole. Ang bugtong giya niini ang iyan lamang guide stick ug ang tanglas nga pagdungog niini.
