Butanga mag-asawang Gargoles, nakadawat ug NC II gikan sa TESDA

9

Ang Technical Education and Skills Development Authority (TESDA) padayon karon ilang pag awhag ngadto sa katawhan, ilabi na sa mga kabatan-onan nga mopahimulos sa ilang mga programa nga gitanyag aron mas mahulma pag ayo ang abilidad diha sa natad sa pagpanarbaho.

Adunay mga scholarship nga gipangtanyag ang TESDA pinaagi sa pakig alayon sa mga LGU aron mapahimuslan sa matag indibidwal.


Mohatag usab sila ug mga toolkit ngadto sa mga iskolar sa Special Training for Employment Program (STEP) aron nga mas epektibo pa kini sa ilang pagpanarbaho.

Ning bag-ohay lang ang mag asawang Buta nakadawat sa ilang National Certificate (NCII) gikan sa TESDA human natapos nila ang Hilot (Wellness Massage) pinaagi sa pag-abag sa ZN Global Knowledge and Skills.

Ang mag asawa nga buta mao sila si Rowena M. Gargoles ug Roberto P. Gargoles, nagpuyo sa lungsod sa Polanco, ZDN.

Sila si Rowena ug Roberta apil sila sa uban pang Persons With Disability (PWDs) ang nakapahimulos sa programa sa tesda ilawom sa Training for Work Scholarship Program (TWSP).

Nahimo kining nagmalapuson tungod usab sa pagpaningkamot ni Tesda Zamboanga del norte Provincial Director Alan T. Bacatan

Facebook Comments

From Advertisers