Dao, Capiz – Wala gid matabangan ang mag- amay matapos nabunggo ang ginasakyan sang mga ini nga motorsiklo sa naka- park nga Nissan Urvan alas 11 sang gab-i sa national highway sang Brgy Nasunogan banwa sang Dao.
Ginkilala ang mga biktima kay Dinnes Fuentes y Bereber, 29-anyos sang Brgy Manhoy Dao Capiz kag tatlo ka tuig sini nga bata sa diin gindeklarar ang mga ini nga ginbawian sang kabuhi sang gindangat sa Senator Gerardo M. Roxas Memorial District Hospital.
Samtang padayon man nga ginabulong sa ospital ang lima ka tuig sini nga bata nga sakay.
Suno sa imbestigasyon sang kapulisan, ginasubay sang mga biktima ang dalan halin sa Manhoy, Dao sang wala madiparahan sang driver nga si Dennis Fuentes nga may naka- park nga salakyan sa kilid sang dalan kabangdanan sang mabaskog nga pagkabunggo.
Nahibaluan dugang nga wala sang suga ang ginamaneho nga motorsiklo sang biktima.
photo(c)- Dao BFP
