Gipaniguro ni Butuan City Mayor Vicente Lagnada nga makasuntener ang dakbayan taliwa sa krisis nga giatubang karon tungod sa Coronavirus.
Sa usa ka interview, gibutyag sa Mayor sukwahi ang krisis nga giatubang karon dili kini sama sa sunog, baha o linug mao nga kinahanglan pangandaman ang maong epekto sa coronavirus pandemic sa katawhan og sa ekonomiya.
Gilantaw nga posible modugay pa sa tulo ka buwan hangtud sa 6 ka buwan ang krisis nga giatubang karon og niini aduna pay igong resources ang syudad apan aminado si Mayor Lagnada nga kung mosubra na sa unom ka buwan dili na makaya pa sa syudad ang paghatag ug ayuda maong gikinahanglan na ang tabang gikan sa nasudnong panggamhanan.
Gawas sa food packs , prayoridad sa opisyal ang mapahigayon gilayon ang massive mass testing sa COVID-19 sa dakbayan kini aron maaddress sa labing sayo samtang gamay pa lang ang ihap sa suspected ug confirmed case sa COVID-19 dinhi sa Butuan City. [image: lagnnada.jpg]
