BUTUAN CITY IPAUBOS GIHAPON SA MGCQ BISAN SA PAGSAKA SA KASO SA COVID-19
Magapabilin gihapon ang Butuan City sa Modified General Community Quarantine (MGCQ) bisan sa pagsaka sa kaso sa Coronavirus Disease 2019 (COVID-19).
Kini mismo ang pulong giluwatan ni Michiko De Jesus, tigpamaba sa LGU Butuan.
Niya pa hangtud walay ipagawas nga bag-ong direktiba o executive order magpabilin sa gihapong MGCQ ang dakbayan sa Butuan.
Madumduman nga niadtong Biyernes una nang nagpagawas sa bag-ong klasipikasyon si Pangulong Rodrigo Duterte. Nagpabiling anaa sa General Community Quarantine (GCQ) ang National Capital Region (NCR) ug ubang lugar sa Visayas ug Mindanao.
Samtang ang syudad sa Butuan magpabilin gihapong ilawom sa MGCQ sa tibuok bulan sa Pebrero.
Sa nakitang pagsaka sa aktibong kaso sa covid 19 sulod sa syudad, giawhag ang katawhan sa striktong pagsunod sa mga minimum health protocols.
Sa pagkuha ning balita, misaka sa 199 ang aktibong covid cases sa Butuan gikan sa 190.
